Det skal virka - det skal vara!
Helse i Hardanger stenger dørene
Etter vel fire år stenger Helse i Hardanger dørene. Då me i 2019 starta prosjektdrift i samarbeid med Haukeland universitetssjukehus, var det med klar ambisjon om å skapa eit kostnadseffektivt tilbod som kunne gi relevant og dokumentert helsegevinst som varte. Målgruppa var pasientar med samansette og kroniske helseplager. Dette er noko som samfunnet verkeleg har bruk for. Me har klart oppgåva med glans!
Med ei konsentrert behandling som kostar 1/3 av dei ordinære tilboda, har pasientar fått auka funksjonsnivå, auka arbeidsevne, redusert bruk av helsetenester – og dei har vore svært nøgde. Helse i Hardanger-modellen har med knappe ressursar, frå mange gode støttespelarar, klart å bruka helsepersonell på ein måte som få, om nokon andre, har fått til. Den enkelte pasient har fått tilgang på skreddarsydd behandling levert av relevant samansette tverrfaglege team. Resultata er publisert i høgt akta internasjonale tidsskrift, og modellen er etterspurt av andre institusjonar i Norge og i utlandet.
Til tross for at Helse i Hardanger leverer verksam behandling til lav kostnad, har me tapt på den arenaen der slaget står: Helse Vest takka nei til tilbodet, fordi dei på uforståeleg vis konkluderte med at me ikkje var konkurransedyktige på kvalitet og pris. Heller ikkje sjukehusa i regionen har sett mogelegheit for å innlemma Helse i Hardanger i si drift. Me har snudd “alle steinar” for vidare drift.
Me har fått midlar til ei rekke forskingsprosjekt, og har levert topp kvalitet. I fjor fekk me, i konkurranse med andre, tildelt eit nytt prosjekt for behandling av long-covid og eitt til behandling av seinverknader etter kreftbehandling (cancer fatigue). Når det ikkje er midlar til den daglege drift, er det ikkje mogeleg å starte opp prosjekta. Me må sei dei frå oss.
Det er for tidleg å sei kva lærdom me skal trekke av denne historia, men ein ting er sikkert: Pasientane er taparane. Og samfunnet treng at det offentlege forvaltar fellesskapet sine ressursar med klokskap – me har ikkje råd til å la folk gå med kroniske helseplager ein einaste dag for mykje. Innleiingsorda er valde med omhu: Helse i Hardanger stenger dørene – men me legg ikkje ned. Helse i Hardanger er – og skal fortsetja å vera – ei merkevare, eit kvalitetsstempel og ein arena for fagleg utvikling.
All behandling i 3 fasar
FØREBUINGSFASEN
Poliklinisk utredning og kartlegging av helseplagene
ENDRINGSFASEN
3-4 påfølgjande dagers opphald i Øystese. Tverrfagleg behandling i gruppe på opptil 10 personar
VEDLIKEHALDSFASEN
Få endringa til å vara
Nyhende i HiH
Prosjekt Utvikling av Smarte Helseløysingar (PUSH)
Helse i Hardanger går nye vegar: Velkjent og kunnskapsbasert behandling er sett saman i eit nytt og konsentrert format. I løpet av en lita veke får pasientar med kroniske helseplager hjelp som gjer dei i stand til å hanskast med helseplagene på ein ny måte. Push-prosjektet er et samarbeid med Helse Bergen. Me kvalitetssikrar og oppsummerer behandlinga, og erfaringene så langt viser at tilnærminga virkar og resultata varer. Både behandling og opphald blir dekka av det offentlege.
Hovudelement ved opphaldet i HiH
Heilskap og Helse
Legespesialistar og psykologspesialistar har det overordna faglege ansvaret for heilskapen i behandlinga både i grupper og individuelt.
FYSISK AKTIVITET
HiH har fysioterapeutar og tilhøve som legg til rette for ulike former for fysisk aktivitet. (Basseng, treningsrom, treningssal, uteareal etc.) Fysisk aktivitet blir tema i gruppesamtalar, og det vil vera trening i grupper og individuelt.
ERNÆRING
Kliniske ernæringsfysiologar vil ha samlingar i grupper. Undervisningskjøkkenet vårt, som har universell utforming, er ein god arena for læring
FARMASI
Rett bruk av medisin er svært viktig for å få utbytte av behandlinga og unngå unødvendige biverknader eller bekymringar. Farmasøyten vår gjennomfører ei samanstilling av medisinbruken din og tilbyr opplæring i grupper og individuelt, samt praktiske tiltak under opphaldet når behov for dette vert avdekka.
Heilskap og Helse
Legespesialistar og psykologspesialistar har det overordna faglege ansvaret for heilskapen i behandlinga både i grupper og individuelt.
Fysisk aktivitet
HiH har fysioterapeutar og tilhøve som legg til rette for ulike former for fysisk aktivitet. (Basseng, treningsrom, treningssal, uteareal etc.) Fysisk aktivitet blir tema i gruppesamtalar, og det vil vera trening i grupper og individuelt.
Ernæring
Kliniske ernæringsfysiologar vil ha samlingar i grupper. Undervisningskjøkkenet vårt, som har universell utforming, er ein god arena for læring
Farmasi
Rett bruk av medisin er svært viktig for å unngå unødvendige biverknader og å få utbyte av behandlinga. Farmasøyten vår gjennomfører analyse av medisinbruken din og tilbyr legemiddelsamtale, opplæring i grupper og individuelt og praktiske tiltak under opphaldet ved behov.
Intensjonsavtalar
Samarbeidsavtalar
Brukar- og paraplyorganisasjonar
Sponsorar
Partnerskap
